(Tula) Mga Imahe ni Alyssa Inductivo

Mga Imahe 

ni Alyssa Inductivo

Mga imaheng nakadikit sa’king kwarto,

Araw-araw nakikita mga mukha nila sa litrato.

Hanggang imahe ko nalang ba sila masisilayan?,

Gusto ko silang makita kung may pagkakataon.

Ako’y isang tagahanga,

Sa mga taong malabong ako’y makilala.

Wala akong pakialam sa sasabihin ng iba,

Ang mahalaga ay ako sa kanila’y humahanga.

Ako’y sumusuporta at labis na nagmamahal,

Nais kong makita mga ngiti nila sa personal.

Dahil sa kanila natuto akong mangarap,

Na balang araw sila ay makakaharap.

Nangangarap na ako’y kanilang makilala,

At kung papalarin man ay maging kanilang kaibigan.

Ngunit napakalabo nitong mangyari,

Dahil ako’y isang tagahanga lamang.