(Tula) Ang Kalikasan Noon Hanggang Sa Kasalukuyan ni Jana Tacugue

Ang Kalikasan Noon Hanggang Sa 

Kasalukuyan

Ni: Jana Mae Tacugue

Balik tanaw sa nakaraang panahon
Dahon ay lumipad tila ang ibon
Rinig ang lagaslas ng tubig sa pampang
Kita sa Kristal na tubig ang alamang

Sa kaliwa, may sumasayaw na sanga
Sa kanan, ang halaman na may halinga
Kulay berde namumutiktik sa mata
Ni isa ay walang natatanaw na lanta

Masangsang na amoy ay humalimuyak
Paglabas sa bulwagan ito ay tiyak
Lahat nasira ng hindi namalayan
Ito ang delubyo sa kasalukuyan

Dapat tayo ay magkaroon ng muwang
Dito sa mundo lahat ay hiram lamang
Wala ng katiyakan sa mangyayari
Sana’y hindi dumating ang pagsisisi