(Tula) Aking Pagaari ni Jana Tacugue

Aking Pagaari 
Ni: Jana Mae Tacugue

Umiikot ang mundo sa ebidensya
Nang ang mga bagay ay walang deperensya
Ano kaya ang problema ng mga tsino?
Upang mang-akin kahit naman palyado

Kasalanan ko ba na ako’y tiwalag?
Upang kayo ay lumabag ng lumabag
Lahat ay gusto niyo talagang makuha
Ultimong dugo’t pawis at sunod luha

Isang sulyap mo lang talaga sa mapa
Masasabi mo na sa akin ang isla
Tsina, anong ipinaglalaban mo?
Ang kagustuhan mo’y hindi naman sayo

Idaan natin sa mabuting usapan
Ito lang ang daan sa kapayapaan
Walang sabugan na dapat mangyari
Kayo ay tila masiyadong nawiwili