(Tula) Ang Puso kong Naiwan sa Bansa ni Jana Tacugue

Ang Puso Kong Naiwan Sa Bansa

Ni: Jana Mae Tacugue

Ang sabi ko sa aking ina
May pangarap akong gustong Makita
Hinahangad ko nasa ibang lungsod
Ibang bansang malusog at maunlad

Kwinestiyon ko ang aking sarili
O Pilipinas, bakit ikaw pa din ang napili?
Bakit? Mali ba?
Ako ba ay nawiwili?

Ang pangarap ko’y nasa ibang bansa
Ngunit ang puso ko ay nasa sariling lupa
Kahit anong mangyari
Walong bituin ang pakikinangin

Tindero na sumisigaw ng sorbetes
At bahay na nasa estero
Magulo man
Pilipinas pa din ang hina hanap-hanap ko